Аскери арбын көп алаш, Башка уруудан маңгул бар, Баатыр Жайсаң даңгыл бар, Күлдүрдүн уулу Чалыбай, Калдар беги дагы бар.
Манжуруя журтунан Мажик баатыр дагы бар, Баштатан Дөгөн1
кары бар, Андан бөлөк буларда Алтайлыктын баары бар.
Алчын, үйшүн, найман бар, Аргын Каракожо бар.
Абактардын ичинде Айдаркан баатыр кошо бар.
Кыргыздардан Байжигит, Кыпчактардан Таз чечен, Ногой уулу эр Эштек, Нойгуттардын Чубагы, Тотулардан Саламат, Топ кылышты жыйылып Толуп аткан жамагат.
Өзүбектен Дамбылда Өзү чечен, өзү ажы Өткүр баатыр Абдылда.
Набаттардан Акымбек, Анжияндык Акылбек, Каракалпак Бердике, Каңгайдан келген Келдике, Алты-Шаар бектери, Аскерге алып келгени Агыдай менен Төлөбек, Аларды да билиңиз Аскер башы төрө — деп.
Бегиш, Көйүш аяры, Беттешкен жоого даяры, Даңгыттан келген Кайып кан, Дагалактын Мунары, Атпай улук чогулуп2, Акылга келди булары.
Арстан Манас баатыры, Айдаркандын Көкчөсү, Абакеси Бакай бар.
Дөөлөстүн Медер султаны, Төбө бийдин Кулжаны
